бичлэгӨнгөрсөн тогтолцооны үеийн түүх бичлэгт 1921 оны хувьсгалд Богд гэгээн дайсагнан хандаж байсан мэтээр өгүүүлсэн нь цөөнгүй . Өөрөөр хэлбэл МАН-ын үйл ажиллагааны эсрэг Богд гэгээн зогсож байсан мэтээр үздэг байв. Гэтэл үнэн байдал өөр юм . Энд хувьсгалын эхэн үеийн цөөн хэдэн баримт дурдая.
Богд гэгээн ЗОУ-аас тусламж гуйх бичигт мутрын тамгаа дарж тусламж эрэхээр явсан анхны долоон хүнд аравнайлсан бурхан бүтээж /зарим хүний дурсамжинд / “ хадаг “ гэж бий / аян замын ерөөл тавьж , зорьсон хэрэг өлзийтэй болохыг хүсч хурал ном хуож байсан хийгээд МАН , Ардын түр засгийн газрын гишүүд хүрээнд орж ирэхэд өөрийн элчээ илгээж байсан тухай буурал түүхийн хуудаснаа тов тодорхой үлджээ.
Тэрчлэн ардын засгийн газар Богд гэгээнийг хувьсгалын дарагаар “ эрдэнийн суудалд нь хэвээр байлгаж “ хэмжээт эрхт хаанаар өргөмжилсөн зэргээс харахад МАН Богд жибзундамба нар нэгэн зорилгын дор нэгдэн ажиллаж байжээ гэж үзэж болохоор байна
